Our Solutions

كۆمپانیای "دل تکنولوجی" پێشەنگ و گەورە كۆمپانیای بواری گەیاندنە، كە لە میانەی ژێرخانێكی تۆكمە و بەهێز و پێشكەوتووەوە خزمەتگوزارییەكانی ئینتەرنێت لە عێراق و دەرەوەی وڵاتیشدا پێشكەش دەكات. كۆمپانیاكەمان تاكە كۆمپانیایە كە عێراق بە وڵاتانی دەرەوە لە میانەی وڵاتی توركیاوە، لەوێشەوە بە وێستگە سەرەكییەكانی ئینتەرنێتی جیهانییەوە، دەبەستێتەوە.

بەهۆی هەبوونی تۆڕێكی تۆكمە و فراوانی كێبڵی تیشكی "فایبەر"ـەوە، كە زیاتر لە 5 هەزار كیلۆمەترە و زۆرینەی خا:ی خاكی عێراق پۆشش دەكات، بەشێوازێكی مۆدێرن و خێرا و بە كەمترین دواكەوتن، عێراق بە ناوەندە گەورەكانی ئینتەرنێتی جیهانی وەكو (فرانكفۆرت)، (سۆفیا) و ئینستانبوڵ دەبەستێتەوە. بە هەمان شێوەش وڵاتانی دیكەی وەكو توركیا، ئوردن، كوێت، عەرەبستانی سعوودییە و بەحرێن و ئیماراتی عەرەبیش بەو ناوەندانەوە پەیوەست دەكات.

تۆڕ و ژێرخانە دیجیتاڵییەكەمان، بە نوێترین و پێشكەوتووترین ئامێر و بەرنامە تایبەتمەندەكان پاڵپشتی دەكرێن. هەروەها تۆكمەترین و بەهێزترین ئامێر و ئامراز و بەرنامەكانی پاراستنی ئەلیكترۆنی دژی هەر هێرش و هەڕەشەیەكی دیجیتاڵی بەكار دەهێنرێت، بۆ ئەوەی دەستەبەری سەلامەتی و پارێزراوی خزمەتگوزارییەكانمان بكەین. سەرباری ئەوانەش، تۆڕی كێبڵە تیشكییەكانمان لە قوڵاییەكی زۆری زەمینی (كە بەلانیكەمەوە لە یەك مەتر و نیو كەمتر نییە) دانراوە، بۆ ئەوەی دەستەبەری پارێزراوی لە هەر زیانگەیشتنێكی ماددی كە ببێتە هۆی زیانگەیاندن بە خزمەتگوزارییەكانمان، بكرێت.

بەهۆی هەموو ئەم تایبەتمەندییانە و بردنەوەی كێبەركێی كەمی نرخ و بەرزی ئاستی خزمەتگوزارییەكانەوە، لە ئێستادا كۆمپانیای "دل تکنولوجی" بووەتە سەرچاوەی جێمتمانە و باوەڕپێكراوی كۆمپانیاكانی بواری مۆبایل و گەیاندن، كۆمپانیاكانی دابینكاری ئینتەرنێت، كۆمپانیاكانی دیكەی بوارە جیاوازەكان، دەزگا و دامەزراوە فەرمییەكان، بانكەكان و ناوەندە جیاوازەكانی دیكەش. هەروەها كۆمپانیاكەمان ڕەچاوی تایبەتمەندی و پێداویستی تایبەتی هەر كۆمپانیا و دامەزراوە و ناوەندێك دەكات و بەویست و خواستی خۆیان دەتوانێت خزمەتگوزاری تایبەت و ویستراویان بۆ دابین بكات. ئەمەش وای كردووە كە لە ئێستادا كە تۆڕی هاوبەش و كڕیارەكانمان تۆڕێكی بەرفراوانی نێودەوڵەتیی و ناوخۆییە.

01

گواستنەوەی بەكۆی توانستی ئینتەرنێت

بەهێزترین تۆڕی پێكەوەبەستن و پەیوەندی لە سەرانسەری عێراق و هەرێمی کوردستاندا

"دڵ تكنولوجی" بەهێزترین توانستی ئینتەرنێت و داتا و خزمەتگوزارییەكانی هەیە. خزمەتگوازییەكان بۆ كۆمپانیاكانی مۆبایل و كۆمپانیاكانی دەستەبەركاری ئینتەرنێت و كڕیارانی بەكۆی ئینتەرنێت لە سەرانسەری عێراق و هەرێمی كوردستاندا دەستەبەر دەكات. بەهۆی تۆكمەیی و بەهێزی ژێرخانی تۆڕەكەیەوە، كە بە تەكنۆلۆژییا بەهێزەكانی وەك (IP MPLS) و (DWDM) پەرەیان پێدراوە، "دڵ تكنولوجی" بەرزترین ئاستی خزمەتگوزاری دەستەبەركردن و گواستنەوەی ئینتەرنێت بە كەمترین دواكەوتن پێش دەكات. ئەمەش دەرفەت بۆ بەگەڕخەرانی خزمەتگوزارییەكانی گەیاندن و ئینتەرنێت دەڕەخسێنێت كە ئاسۆی كارەكانیان بەرفراوان بكەن و پێگەی خۆیان لە بازاڕی گەیاندندا قایمتر و بەهێزتر بكەن.
كۆمپانیای "دڵ تكنولوجی" خزمەتگوازری پێكەوەبەستنی بگۆڕەكان لە نێو شار و شارۆچكەكاندا بۆ كۆمپانیاكانی مۆبایل و دامەزراوەكانی دیكە پێشكەش دەكات، لەم ڕێگەیەشەوە گەرەنتی گواستنەوەی داتا و زانیارییەكان بە ئاستێكی زۆر خێرا، تۆكمە و پارێزراو دەكات.
كۆمپانیای "دڵ تكنولوجی" مۆڵەتپێدراوی فەرمییە بۆ پێشكەشكردنی هەردوو خزمەتگوزاری "دابەزاندن" و "ترانزێت"ـی ئینتەرنێت لە سەرانسەری عێراقدا. لەم ڕێگەیەشەوە توانایەكی دەگمەن و بێهاوتای هەیە بۆ گەیاندنی ئینتەرنێت بۆ هەموو شوێن و ناوچەیەك لە عێراق و كوردستاندا.

02

هێڵی بەكرێدراوی نێودەوڵەتی تایبەت IPLC

باڵاترین خزمەتگوزاری بۆ بەستنەوەی نێودەوڵەتی

كۆمپانیای "دڵ تكنولوجی" لە میانەی پێشكەشكردنی خزمەتگوزاری هێل و بازنەی بەكرێدراوی نێودەوڵەتی تایبەت (International Private Leased Circuit - IPLC)ـەوە، دەستەبەری پێكەوەگرێدانی خاڵ بۆ خاڵ لەنێوان كڕیاران و بەكارهێننەران بۆ هەر شوێن و جێگایەك لە جیهاندا دەكات. لە پێشكەشكردنی ئەم خزمەتگوزارییەدا كۆمپانیای كۆمپانیای "دڵ تكنولوجی" سەرجەم ئەركە پەیوەنددارەكانی دەستەبەركردنی ئەم خزمەتگوزارییە لە هەماهەنگی لەگەڵ كۆمپانیا گەورە جیهانییەكانی بوارەكە و لە دابینكردن و گەیاندن و پاشان بەڕێوەبردنی بەستنەوەكە، هەروەها گەرەنتیكردنی ئاستبەرزترین، جێگیرترین، پارێزراوترین خاڵی بەستن و گەیاندن دەكات. ئەمەش كارئاسانییەكی بەرچاو بە سێكتەر و كاروبارەكانی پەیوەست بە گواستنەوەی بانكی، كۆنفرانسی ڤیدیۆیی، سەرجەم خزمەتگوزارییەكانی دیكە. ئەو خزمەتگوزارییانەی كە بۆ دامەزراوە دارایی و بانكییەكان، فەرمانگە حكوومییەكان و دامەزراوە ئەكادیمییەكان و هتد.
هەروەها بە پشتبەستن بە ژێرخانە تەكنۆلۆژییە تۆكمەكەی و بەهێزی تۆڕەكەی و ئەو متمانە و هاوبەشیە فراوانە نێودەوڵەتییەی كە هەیەتی، كۆمپانیای "دڵ تكنولوجی" تێكەڵبوونێكی بەرفراوانی لەگەڵ تۆڕ جیهانییەكانی بواری ئینتەرنێتدا هەیە. بەمەش دەستەبەری پێشكەشكردنی باشترین و پڕمتمانەترین خزمەتگوزارییەكانی بوارەكە دەكات.

03

هێڵی بەكرێدراوی ناوخۆیی تایبەت DPLC

بەستنەوەی سەرانسەری تایبەت لەگەڵ سیستەمی ئاساییشی (MPLS)

كۆمپانیای "دڵ تكنولوجی" لە میانەی پێشكەشكردنی خزمەتگوزاری هێڵی بەكرێدراوی ناوخۆیی تایبەت (Domestic Private Leased Circuit -DPLC)ـەوە، بەستنەوەی چەندچینی پارێزراو و خێرا و بە تایبەت دەستەبەركراو، لەوانەش بەستنەوەی دوو چینی (P2P and P2MP) و چینی 3 ـی (VPN)، بۆ كۆمپانیا و دامەزراوەكان دەستەبەر دەكات. ئەم جۆرە خزمەتگوزارییە، بە پاڵپشتی ژێرخانە تۆكمەكەی كۆمپانیای "دڵ تكنولوجی" كە هاوتەرینە لەگەڵ پێشكەوتووترین سیستەمی بەكاری ئێستای جیهاندا، لەوانەش تۆڕی خزمەتگوزاری نەوەی پێنجەم (5G)، كە پشتیوانی لە سیستەمەكانی (SR and SRv6), دەكات، وا دەكات كە بانكەكان، كۆمپانیاكان، فەرمانگە گشتییەكان، ڕێكخراوەكان، لە باشترین و بەهێزترین و پارێزراوترین بەستنەوەی تایبەت سوودمەند بن، لەگەڵ خزمەتگوزاری پاڵپشتی و دەستەبەركردنی ڕێنمایی و هاوكاری بەردەوامی 24 كاتژمێری و 7 ڕۆژی لە هەفتەیەكدا.

04

دابینكردنی بەكۆی توانست و قەبارەی ئینتەرنێت

دەستەبەركردنی نایابترین و باشترین ئینتەرنێت لە سەرانسەری عێراقدا

كۆمپانیای "دڵ تكنولوجی" بەهێزترین و تۆكمەترین توانستی و قەبارەی ئینتەرنێت بەشێوازی كۆفرۆشی بۆ كۆمپانیاكانی مۆبایل و كۆمپانیاكانی دەستەبەركاری ئینتەرنێت (ISP)، بانكەكان، كۆمپانیاكانی بواری نەوت و وزە، كۆمپانیا و فرۆشیارە گەورەكان، دەستەبەر دەكات. ئەم دەستەبەركردنەش لەڕێگەی بەستنەوەی تەواوی عێراقە بە پاشخانی ئینتەرنێتی جیهانی لە میانەی تەكنۆلۆژیانی خاڵی هەبوون Points of Presence (PoPs))ـەوە، لە فرانكفۆرت (FR5)، سۆفیا ( Telepoint) و ئیستانبوڵ ( Equinix). ئەمەش وایكردووە كە ئەو توانستە ئینتەرنێتییەی كە كۆمپانیای "دڵ تكنولوجی" پێشكەشی دەكات پشتپێبەستووترین ئینتەرنێت بێت لەڕووی ئەوپەڕی خێرایی و كاركردن و كەمترین دواكەوتنەوە.
دەستەبەركردنی ئەم خزمەتگوزارییە پاڵپشتیکراوە بە ڕێکەوتنەکانی (مافی بەکارهێنانی کۆتاییپێنەهێنراو IRU)ـی درێژمەودوا، لەگەڵ كۆمپانیا هاوبەشە ستراتیژییەكانمان، وەك كۆمپانیای Türk Telekom International (TTI)، كۆمپانیای (Vodafone ) و كۆمپانیای ( Turkcell SuperOnline)، هەروەها لەگەڵ دابینكارە پلە یەكەكانی هاوشێوەی كۆمپانیای (Lumen كە پێشتر ناوی Level 3 بوو)، كۆمپانیای (Arelion)، كۆمپانیای(TATA) و كۆمپانیای (Cogent). هەموو ئەمانەش كۆمپانیای "دڵ تكنولوجی"ـیان كردووەتە بەهێزترین و پشتپێبەستووترین كۆمپانیای بوارەكە لە تەواوی عێراقدا.

05

دەستەبەركردنی ئینتەرنێتی تەرخانكراو DIA

ئینتەرنێتێكی بەهێز و ئاستجێگیر و پارێزراو

خزمەتگوزاری دابینكردنی ئینتەرنێتی تەرخانكراو Dedicated Internet Access (DIA) لەلایەن كۆمپانیای "دڵ تكنولوجی" ـیەوە، بۆ ئەو دامەزراوە و كۆمپانیایانەیە كە پێویستیان بە هەبوونی هێڵێكی ئینتەرنێتی بەهێز، ئاستبەرز و بێپچڕان هەیە. ئەم خزمەتگوزارییە دەستەبەری پارێزراوترین و خێراترین و بێكێشەترین خزمەتگوزاری دەكات. هاوكات زیاتری لەوانەش دەتوانرێت لە میانەی ئەم خزمەتگوزارییەوە، خزمەتگوزارییە هاوەڵەكانی دیكەشی بۆ زیاد بكرێت، لەوانەش:

بەڕێوەبردنی خزمەتگوزاریە تایبەتمەندەکان بە ڕاوتەر
ئاسایشی ئەلیکترۆنی و دیواری پاراستن.
بەڕێوەبردنی تۆڕە بێتەلەکان (Wi-Fi)
بەستنەوەی هەورە بارگەكان (Coud)
پشتگیری تەکنیکی ٢٤ کاتژمێری بەردەوام.

06

لەخۆگرتنی خزمەتگوزارییەكانی داتا سەنتەر

هەمیشەیی و پارێزرا و متمانەبەخش

داتا سەنتەرەکانی کۆمپانیاکەمان بەجۆرێكی مۆدێرن و ئاستجیهانی ئەوتۆ دیزاینكراون و بنیاتنراون كە بە ژێرخانێكی ئەلیكترۆنی پێشكەوتووەوە دڵنیایی دەستەبەركردنی خزمەتگوزارییەكی بێ پچڕان و پارێزراو و گەرەنتیكراو بكات. ئەم خزمەتگوزارییە دەستەبەری ئەو دڵنیاییە بۆ كۆمپانیا و دامەزراوەكان دەكات كە لە كاتی هەر كارەساتێكی سوتان یان هەر كارەساتێكی دیكەی سرووشتی، یان هەڵەی مرۆیی، یان هەر بارێكی دیكەی نەخوازراودا، داتا و زانیارییە پاشكەوتكراوەكانیان لە داتا سەنتەرەكانی ئێمەدا پارێزراو بن و یارایی و توانای گەڕاندنەوە و وەرگرتنەوەیان بە ئاسانی پارێزراوی، هەبێت. لەخۆگرتنی خزمەتگوزاریەکانمان ئەمانەی لای خوارەوە دەگرێتەوە:

لەخۆگرتن و مێوانداریکردنی (Racks, Cages, Cabinets) ـەکانتان.
ژێرخانی هەورەبارگەیی Cloud Infrastructure
بەردەوامی چالاكییە بارزگانییەكان و گەڕاندنەوە و چاکكردنەوەی خێرای خزمەتگوزارییەکان دوای کارەسات و هەڵە مرۆییەكان.
سەرچاوەی وزەی کۆگاکراو هەبوونی چەندان ڕێڕەوی جیاوازی كێبڵی ڕیشاڵی (فایبەر)
هێزی زیادە و ڕێڕەوی ڕیشاڵی جۆراوجۆر
ئاسایشی فیزیکی و ئەلیکترۆنی فرەچین.

دەستەبەركردنی ئەم خزمەتگوزارییانە، كۆمپانیای "دڵ تكنولوجی" دەكەنە بژاردەی یەكەمی كۆمپانیا و دامەزراوەكان بۆ ئەوەی لە پارێزراوی داتا و زانیارییەكانیان دڵنیا بن و هیچكاتیش كارەسات و ڕووداو و هەڵە مرۆییەكان كاریگەریی لەسەر لەدەستدانی زانیارییەكانیان نەبێـت.

07

ترانزێتی بێسنووری IP

گواستنەوەی بێسنووری داتا و زانیارییەكان لە میانەی ژێرخانێكی تۆكمەوە

كۆمپانیای "دڵ تكنولوجی" خزمەتگوزارییەكی بێهاوتای بەهێز و تایبەتمەند و تەرخانكراوی ترانزێتی "IP" بۆ كۆمپانیاكانی بواری مۆبایل و دابینكاری ئینتەرنێت لە سەرانسەری عێراق و وڵاتانی دراوسێشدا دەستەبەر دەكات. ئەم خزمەتگوزارییە لە میانەی ژێرخانێكی تەكنۆلۆژی تۆكمە و بێهاوتاوە دەبێت كە تۆڕێكی كێبڵی تیشكی "فایبەر" لەخۆ دەگرێت كە زیاتر لە 5 هەزار كیلۆمەترە. سەرباری پارێزبەندی ئاسایشی و مسۆگەركردنی خێراییەكی بێهاوتا، ژێرخانە سنووربڕەكانمان دەستەبەری بەستنەوەی نێودەوڵەتی لە میانەی خاڵی هەبوون (PoPs) لە "فرانكفۆرت"، "سۆفیا" و "ئیستانبوڵ"، دەكەن.
ئەم بەهێزییە وا دەكات كە خزمەتگوزارییەكانی گواستنەوە و ترانزێت بە خێراترین شێواز و كەمترین دواكەوتن و بێپچڕان ئەنجام بدرێن و هاتوچۆی داتاكان لە عێراقەوە بۆ دەرەوە و بەپێچەوانەشەوە لە دەرەوە بۆ عێراق ئاسان و نیان و خێراترین بێت.

08

تۆڕی گواستنەوەی ناوەڕۆكەكان CDN

گواستنەوەی ناوەڕۆكە جیهانییەكان بە خێراییەكی بێسنوور

لە ڕێگەی هەبوونی سێرڤەرگەلی بەهێزی هەڵگرتنی كاش "caches"ـەوە لە تەواوی عێراقدا، كۆمپانیای "دڵ تكنولوجی" دەستەبەری گوستنەوە و دابەزاندنی ناوەڕۆكەكان بە بەرزترین خێرایی و كەمترین دواكەوتن دەكات. لە ئێستادا كۆمپانیاكەمان هاوبەشێتی لەگەڵ كۆمپانیا زەبەلاحە جیهانییەكانی بوارەكە وەكو " Google/YouTube "، " Facebook "،" Facebook "،" Twitter " و" Tencent " و كۆمپانیا گەورەكانی دیكەی تایبەتمەند بە هەبوون و گواستنەوەی ناوەڕۆ، هەیە.
بە دانانی كاش " caches" لە تۆڕەكەماندا، بەشێوەیەكی گەورە و بەرچاو كاتەكانی باركردن و دابەزاندن و تەماشاكردن و هەڵگرتنی ناوەڕۆكەكان كەمتر و كەمتر دەكەینەوە. ئەمەش وا دەكات كە بەكارهێنەران هەم كاتیان بۆ بگەڕێتەوە، هەم داتایەكی كەمتر خەرج بكەن، هەمیش ئەزموونێكی بێكێشە و خێرا و دڵنیا، تاقی بكەنەوە.
زياتر لەوانەش، كۆمپانیای "دڵ تکنولوجی "پەیوەندی گشتی ڕاستەوخۆ و پەیوەندییەکانی تۆڕی تایبەت (PNI) لەگەڵ کۆمپانیا زەبەلاحەکانی جیهانی وەکو "Google"، "Facebook"، "Microsoft"،"Huawi Cloud"،"Amzon"، "CloudFlare"،" CDN77"،" NETIX "،"Akamai"،و چەندانی دیكەش. ئەمەش وا دەكات كە خێرایی، جێگریی ئاست، كەمترین دواكەوتن و بەردەوامی خزمەتگوزارییەكان زیاتر و زۆرتر دەستەبەر بكرێن.

09

سیستەمی پاراستنی DDoS

پارێزگارییەكی هەمیشەیی و بەردەوام

كۆمپانیای "دڵ تكنولوجی" لەڕێگەی سیستەمی پارێزگاریی (Distributed Denial of Service - DDoS)ـەوە، پارێزگارییەكی هەمیشەیی و بەردەوام بۆ تۆڕی پەیوەندییەكان و خزمەتگوزارییەكان دەستەبەر دەكات. ئەم سیستەمەش بەشێوەیەكی كارا ڕێگریی لە هەموو جۆرە هێرش و شكاندنێكی ئەلیكترۆنی، دەكات. ئەم ڕێگەچارە گرنگ و كاریگەرە، ئەم ڕێكارانە لەخۆی دەگرێت:

چاودێریکردنی ڕاستەوخۆ و دۆزینەوەی پێشوەختەی هێرش و هەڕەشە ئەلیکترۆنیەکان.
فلتەرکردن و چاودێریكردنی سەلامەتی داتای تێپەڕبوو.
كاراكردنی میکانیزمەکانی (Blackholing and rate limiting)
خێرا چارەسەركردنی زیانەكان و شیكاركردنی پاش هێرش و هەڕەشە ئەلیكترۆنییەكان.

لە میانەی ئەم خزمەتگوزارییە گرنگەوە، قەڵغانێكی ئەلیكترۆنی بەهێز بۆ ژێرخانی تۆڕەكەمان و ئەو خزمەتگوزارییانەی كە پێشكەشیان دەكەین، دروست كراوە كە ڕێگریی لە هەر هەوڵ و هەڕەشە و هێرشێكی ئەلیكترۆنی تێكدەرانە دەكات. بەمەش دڵنیایی بە هاوبەش و كڕیاران دەدەین و دەستەبەری مسۆگەربوونی بەردەوامی خزمەتگوزارییەكان و سەلامەتی و پارێزراوییان لە هەر مەترسییەكی نەخوازراو دەكەین.

بۆچی دەبێت "دڵ تكنولوجی" بژاردەی یەكەمت بێت؟

24/7 پاڵپشتی بەردەوام و هەموودەم

تیمێكی شارەزا و لێزان، بەدرێژایی ڕۆژ و هەموو دەمێك هەر هاوكاری و پاڵپشتییەك كە پێویست بێت، پێشكەشی كڕیاران و هاوبەشانمان دەكەن. لە كاتی هەبوونی هەر كێشە و گرفتێكیشدا بەشێوەیەكی لێزانانە و خێرا، بەبێ هیچ دواكەوتن و پچڕانێك چارەسەری دەكەن.

چاودێریكردن و كۆنتڕۆڵكردنی بەردەوامی خزمەتگوزارییەكان

لە میانەی بەكارهێنانی ئامرازی تایبەت بۆ چاودێریكردن و كۆنتڕۆڵكردنی تەواوەتی بەردەوامی خزمەتگوزارییەكانمان، ئێمە ئەوپەڕی دڵنیایی دەستەبەر دەكەین لەوەی كە خزمەتگوزارییەكان بەردەوام و پارێزراون و هەموو داتا و ئامارێكی پەیوەندداریش بۆ هاوبەش و كڕیارانمان دەستەبەر دەكەین.

ترۆپكی پارێزگاری و ئاسایشی ئەلیكترۆنی

ئێمە لە كۆمپانیای "دڵ تكنولوجی" باشترین، بەهێزترین و كاراترین ئامرازەكانی پارێزگاریی سەردەمیانە بەكار دەهێنین، لەم میایەنەیەشەوە پرۆتۆكۆلێكی تۆكمە و هەرەبەهێزی ئەلیكترۆنی بۆ ژێرخانی ئەلیكترۆنی خۆمان و خزمەتگوزارییەكانمان بۆ هاوبەش و كڕیارانمان، دەستەبەر دەكەین.

هەمیشە چالاك و بەردەوام

ژێرخانی ئەلیكترۆنی كۆمپانیاكەمان، بەشێوەیەكی ئەوتۆ داڕێژراوە و پارێزراوە كە خێراترین خزمەتگوزاری، پارێزراوترین خزمەتگوزاری، بە كەمترین دواكەوتن، پێشكەش بە هاوبەش و كڕیارانمان مسۆگەر دەكات.