بۆ بنیاتنانی داهاتوویەكی باشتری گەیاندن و پەیوەندییەكان لە عێراقدا، ببە بەشێك لە تیمەكەمان
كۆمپانیای "دڵ تكنولوجی"، كە كۆمپانیای پێشەنگی بواری پێشكەشكردنی خزمەتگوزارییەكانی ئینتەرنێتە و لە هەرێمی كوردستان و عێراقدا مۆڵەتی فەرمیی پێشكەشكردنی خزمەتگوزارییەكانی هەیە، بووەتە خاڵی پێكەوەبەستن و گەیاندنی عێراقیش بە تۆڕی دیجیتاڵی ئینتەرنێتی جیهانییەوە.
ئەركی ئێمە ڕەخساندنی دەرفەتی زیاتر پێشكەوتنی دیجیتاڵی و پێشكەشكردنی باشترین و بەهێزترین و تۆكمەترین و پارێزراوترین خزمەتگوزارییەكانی ئینتەرنێتە لە تەواوی عێراقدا. لەم میانەیەشەوە دەمانەوێت خزمەتی پێشكەوتنی ئابووری، جڤاكی، پەروەردەیی و كۆمەڵایەتی بكەین. بۆیە پێمان وایە كە هاووڵاتیانمان چەقی خزمەتگوزارییەكانمان.
بۆ دەستەبەركردنی ئەو ئەركانەش، باشترین و پێشكەوتووترین ژینگەی كاركردنمان بۆ تیمەكان ڕەخساندووە. چونكە پێمان وایە پێشكەوتنی گەورە و داهێنەرانە، پێویستی بە ژینگەیەكی لەبار و شیاوی كاركردن هەیە. لەم پێناوەشدا ژینگەی كاركردنی كۆمپانیاكەمان، ژینگەیەكە كە دەرفەتی خۆپێشخستن و بیركردنەوەی داهێنەرانە و بەرزكردنەوەی ئاست و توانستە كەسییەكان، دەستەبەر دەكات.
بۆیە، ئەگەر تۆ لەو كەسانەی كە خوازیاری ببیتە دەستبار و هاوەڵمان لە دەستەبەركردنی ئامانجەكانماندا و ببیتە هاودیدگامان لە بوژاندنەوەی زیاتری وڵاتدا، پێمان خۆشە لە پەیوەندیدا بین و لێتان ببیستین. تكایە پەیوەندی بە تیمەكانەوە بكە، بۆ ئەوەی دەرفەتەكانی كاركردنی پێكەوەیی گەنگەشە بكەین و ڕێگاكانی دەستەبەركردنی ئامانجەكان پێكەوە ئەزموون بكەین.